கடந்த வருடம் தனது பிறந்த நாளை காதலன் சிம்புவுடன் கொண்டாடிய ஹன்சிகா இந்த வருடம் தனது அம்மாவுடன் கொண்டாடினார்.வாலு, வேட்டை மன்னன் ஆகிய படங்களில் சிம்புவுடன் இணைந்து நடித்து வருகிறார் ஹன்சிகா. வாலு பட ஷூட்டிங்கின்போது இருவருக்கும் காதல் மலர்ந்தது.
இதை இணையத்தள பக்கத்தில் இருவரும் வெளியிட்டனர். இந்த காதலுக்கு ஹன்சிகாவின் அம்மா எதிர்ப்பு தெரிவித்து வந்தார். இதற்கிடையில் மாஜி காதலி நயன்தாராவுடன் ‘இது நம்ம ஆளு படத்தில் சிம்பு ஜோடி சேர்ந்து நடித்தார்.
இது ஹன்சிகாவுக்கு பிடிக்கவில்லை என்று கூறப்படுகிறது. சமீபத்தில் ஹன்சிகா சிம்புவுடனான காதலை முறித்துக்கொண்டதாக அறிவித்தார்.
கடந்த ஆண்டு சிம்பு-ஹன்சிகா காதல் ஜோடிகளாகவே வலம் வந்துக்கொண்டிருந்தனர். ஆகஸ்ட் மாதம் 9ம் தேதி ஹன்சிகாவின் பிறந்த நாள். அவருக்கு என்ன கிப்ட் தருவது என்று திணறிக்கொண்டிருக்கிறேன். ஐடியா இருந்தால் சொல்லுங்களேன் என்று ரசிகர்களிடம் தனது இணைய தள பக்கத்தில் யோசனை கேட்டிருந்தார் சிம்பு.
மறுநாள் ஹன்சிகாவுடன் பிறந்தநாள் கொண்டாடிய படங்களை இணைய தளத்தில் வெளியிட்டார். இந்த பிளாஷ்பேக் நடந்து சரியாக ஒரு வருடம் ஆகிறது. கடந்த 9ம் தேதி ஹன்சிகா தனது பிறந்த தினத்தை தனது அம்மா மோனா மோத்வானியுடன் கேக் வெட்டி கொண்டாடினார். அப்போது தனது முறிந்த காதலை எண்ணி ஹன்சிகா கண் கலங்கினாராம்.
0 comments:
Post a Comment